سەردێر

بومەلەرزەیه‌کی توند باشوری ئێرانی هەژاند

خەڵک-

ئەمڕۆ بومەلەرزەیەکی توند لە باشووری ئێرانیدا و تا ئێستا هیچ زیانێکی گیانی بەهۆیەوە رانەگەیەندراوە، بەوەش دەبێتە دووەمین رووداوی بومەلەرزە کە لە ماوەی تەنها دوو هەفتەدا رووی لەو وڵاتە کردووە.

ئەمڕۆ شەممە، 25/6/2022 ناوەندی بومەلەرزەزانی ئه‌وروپا و رۆژهه‌ڵاتی ناوه‌ڕاست رایگەیاند، “سەرلەبه‌یانی ئه‌مڕۆ بومه‌له‌رزه‌یه‌كی توند به‌گوڕی 5.7 پلە له‌ باشووری ئێرانیداوە و قوڵاییه‌كه‌ی هه‌شت كیلۆمه‌تر بووه‌ له‌ژێر زه‌وییه‌وه‌”.

بەوەش دەبێتە دووەمین بومەلەرزە لە ماوەی دوو هەفتەی رابردوودا روو لەو وڵاتە بکات، بەو پێیەی رێکەوتی 15/6/2022 سێ بومەلەرزە رووی کردە دورگەی (كیش)ی ئێران، کە لەلایەن لە زۆر ناوچەی دیکەی دەوروبەری (کیش) هەستی پێکرابوو.

لەو بارەیەوە، ئاژانسی ئەسۆشییەتد پرێس لە زاری بەرپرسانی ئەو وڵاتەوە رایگەیاند، “تا ئێستا بوومه‌له‌رزه‌كه‌ هیچ زیانێكی گیانی نەبووە”.

هاوکات، سەنتەری ڕوپێوی جیۆلۆجی ئەمریکا رایگەیاند، “دوو بومه‌له‌رزه‌ بە گوڕی 4.7 پلە به‌پێوه‌ری رێخته‌ر و 5.3 پله‌ داویەتی لە  دورگەکەكانی نزیک گەروی ستراتیجی هورمز”.

هەروەک چەند رۆژێک لەمەوبەر، بومەلەرزەیەکی توندتر لە ئەفغانستانیدا و به‌هۆیه‌وه‌ هه‌زار کەس گیانیان لەدەستدا, بەو پێیەی بەهۆی بەهێزیی بارانبارینەوە، هەڵمەتەکانی ڕزگارکردنیانی قوربانیانی بومەلەرزەکەی لەو وڵاتەدا، سەرکەوتوو نەبوون.