سەردێر

“رووسیا دوای ئۆکراین وڵاتێکی دیکەش داگیر دەکات”

خەڵک-

سەرۆکی ئۆکراین هۆشداری دەدات سەبارەت بە هێرشی رووسیا بۆسەر وڵاتی دیکە و دەڵێت “وڵاتەکەم تەنها دەستپێکی هێرشی داگیرکاریی رووسیایە و لە پاش ئێمەش سەرەی وڵاتانی دیکەی جیهان دێت”.
دوێنی هەینی، ڤلادیمێر زیلێنسکی، سەرۆکی ئۆکراین لە تۆمارێکی ڤیدیۆییدا وتی “هەموو ئەو وڵاتانەی کە وەک ئێمە باوەڕیان بە سەرکەوتنی ژیان هەیە بەسەر مردندا، پێویستە لەگەڵماندا بووەستن و  پاڵپشت و یارمەتیدەرمان بن لەم دۆخەدا”.
ئاماژەی بەوەشدا کە وڵاتەکەی تەنها دەستپێکی تەماحکاریی رووسیا بووە و لە بارەیەوە وتی “وڵاتی دیکەش مەترسی رووبەرووبوونەوەی هەمان چارەنووسی ئێمەی هەیە و دەپرسم ئاخۆ دەبێت نۆرەی چ وڵاتێکی دیکە بێت لە پاش ئێمە تاوەکو پوتین هەوڵبدات داگیریبکات”.
لە لایەکی دیکەوە، ژەنەراڵیکی رووسی رایگەیاند “دەستبەسەرداگرتنی باشوری ئۆکراین رێگەخۆشکەرە بۆ گەیشتن بە کۆماری (ترانسنیستریا) کە دراوسێی ئۆکراینە”.