سەردێر

غەزە خوێناویترین رۆژی بە رێكرد

فڕۆكە جەنگییەكانی ئیسرائیل بە چڕی بۆردومانی غەزەیان كرد

خەڵك-

شەوی رابردوو فڕۆكە جەنگییەكانی ئیسرائیل بە چڕی بۆردومانی مۆڵگەی گرووپە چەكدارەكانیان لە غەزە كرد.

كەناڵی سكاینیوز بڵاویكردەوە شەوی رابردوو فڕۆكە جەنگییەكانی ئیسرائیل نزیك كۆمەڵگەی ئەمنیی نێوەڕاستی غەزە و چەند رێگە و شوێنێكی دیكەیان لە خۆرئاوای شارەكە بۆردومانكردووە.

هاوكات فڕۆكە جەنگییەكان گەڕەكی مقووسییان لە باكوری غەزە بۆردومانكردووە.

رۆژی یەك شەممە خوێناوترین رۆژی شەڕی غەزەبوو كە ئەمڕۆ هەفتەیەكە بەردەوامە، لە ئەم رۆژەدا 42 كەس كوژران.

وەزارەتی تەندروستی غەزە رایگەیاند 197 كەس كوژراون، لەنێویاندا 58 منداڵ و 34 ژن هەن لە ماوەی شەڕی غەزەدا.

لە بەرامبەردا لە ئیسرائیل 10 كەس كوژراون كە 2 منداڵ لەنێویاندان.

لای خۆیەوە بنیامین ناتانیاهۆ سەرۆك وەزیرانی ئیسرائیل دەڵێت ئۆپەراسیۆنی غەزە بە هەموو هێزیەوە بەردەوام دەبێت تا كاتی پێویست، ئیسرائیل كار دەكات بۆ ئەوەی رێگری لە هەڵگیرسانی شەڕ لەگەڵ حەماس بكات لە ئایندەدا.