سەردێر

ڕوسیا و نەتەوە یەكگرتووەكان: هێوركردنەوەی دۆخی نێوان ئیسرائیل و فەڵەستین پێویستە

خەڵك

كۆشكی سەرۆكایەتی ڕوسیا لە ڕاگەیەنراوێكدا بڵاویكردەوە: ڤلادیمیر پوتن سەرۆكی ڕوسیا و ئەنتۆنیۆ گۆتێرێس سكرتێری گشتی ڕێكخراوی نەتەوە یەكگرتووەكان پەیوەندی تەلەفۆنیان ئەنجامداوە، لە بارەی دۆخی غەززە و ڕووبەڕووبوونەوەكانی نێوان ئیسرائیل و فەڵەستینییەكان گفتوگۆیان كردووە و هەردوولاش داوایانكردووە شەڕ و پێكدادانەكانی نێوان ئیسڕائیل و فەڵەستینییەكان بوەستێندرێت.

كۆشكی سەرۆكایەتی ڕوسیا ئاماژەی بەوەشكردووە: ئاماجی سەرەكی مۆسكۆ و نەتەوەیەكگرتووەكان ڕێگرییە لە زیادبوونی ململانێكانی نێوان فەڵەستینییەكان و ئیسرائیل، دووپاتیشكراوەتەوە كە دەبێت گرەنتی پارێزراوی مەدەنییەكان بدرێت.