سەردێر

ئەمریكا.. 10 كەس كوژران و بریندار بوون

خەڵك-

پۆلیسی ویلایەتی ئێندیانای ئەمریكا كوژرانی 8 كەسی لە هێرشێكی چەكداریدا راگەیاند.

میدیاكانی ئەمریكا لە زاری پۆلیسی ویلایەتی ئێندیاناوە بڵاویانكردەوە كە لەنزیك بارەگای كۆمپانیای فێدێكس بۆ گواستنەوەی كاڵا و كەلوپەلی بازرگانی لە شاری ئێندیانا هێرشێكی چەكداری رووی داوە.

پۆلیسی ویلایەتی ئێندیانا راشیگەیاند لە هێرشەكەدا 8 كەس كوژران و 2ی دیكەش برینداربوون و هاوكات هێرشبەرەكە خۆشی كوشتووە.

لە چەند رۆژی رابردوودا هێرشە چەكدارییەكان و توندوتیژییەكان روویان لە هەڵكشان كردووە، ئەمەش نیگەرانی لێ كەوتووەتەوە.