سەردێر

میدیاكارانی ئیخوان لە توركیا ماڵئاوایی دەكەن

ئەنقەرە فشارەكان لەسەر ئیخوان توندتر دەكات

خەڵك-

دوو میدیاكاری ناسراوی ئیخوان موعتەز مەتەر و محەمەد ناسر رایانگەیاند كە پشوویان وەرگرتووە لەگەڵ راگیرانی بەرنامەكانیان لە كەناڵەكانی شەرق و موكلمین-ی سەر بە ئیخوان لە ئیستەنبوڵ لەلایەن توركیاوە و راشیانگەیاندووە لە پشوویەكی كراوە و نادیاردان.

لە دواین بەرنامەی لەگەڵ موعتەزدا ئەو میدیاكارەی ئیخوان ئاماژەی بەوە ئەوە كردووە كە هیچ شەرمەزارییەك بۆ توركیا دروست ناكات ئەوە ئەركییەتی.

محەمەد ناسر بێژەر و پێشكەشكار لە كەناڵی موكلمین-ی سەر بە ئیخوان كە پەخشەكەی لە ئیستەنبوڵە، لە توێتەر نووسیویەتی كە لە پشوودا دەبێت لە مانگی رەمەزاندا و خوازیاریشە بگەڕێتەوە.

سەرچاوەكان بۆ كەناڵی العربیە ئاشكرایانكرد فەرمانڕەوایانی توركیا بە ئەو میدیاكارە ئیخوانییانەیان راگەیاندووە كە سروشت و سیاسەتی بەرنامەكانیان بگۆڕن بۆیە پێویستە پشوو وەربگرن تا دانان و دیاریكردنی شێوەیەكی نوێ بۆ بەرنامەكانیان یان پەخشكردن لە وڵاتێكی دیكە و بڕیار لای خۆیان دەبێت.

پێش دوو هەفتە ئەنقەرە داوای لە كەناڵەكانی ئیخوان كرد لە بەرنامەكانیاندا رەخنەگرتن لە میسر رابگرن.

ئەو دوو میدیاكارەی ئیخوان لە چەند لێدوانێكدا ئاشكرایانكردووە كە هەوڵ دەدەن توركیا بەجێبهێڵن.

لای خۆیەوە محەمەد ناسر سوپاسی توركیای كردووە بۆ ماوەی 7 ساڵ لە وێ بوون و لە حاڵی نزیكبوونەوەی میسر و توركیا ئەوان دەڕۆن بۆ كەنەدا یان بەریتانیا.