سەردێر

تەندروستی جیهانی: پڕۆسەی كوتان لەئەوروپا بەسستی بەڕێوەدەچێت

خەڵك

نووسینگەی ئەوروپای ڕێكخراوی تەندروستی جیهانی ڕایدەگەیەنێت: هەڵمەتی كوتانی هاووڵاتیان بەڤاكسینی كۆرۆنا لەئەوروپا بەشێوەیەكی سست بەڕێوەدەچێت.


هانز كلوج سەرۆكی نووسینگەی ئەوروپای ڕێكخراوی تەندروستی جیهانی لە ڕاگەیەنراوێكدا ڕایگەیاند، “دابەشكردنی ڤاكسینەكە وەك پێویست نییە و ئاستی كوتانیش زۆر نزمە و تەنیا 10%ی هاووڵاتیانی ئەوروپی بەیەك بڕ لەو ڤاكسینە كوتراون و 4%ی كوتانی تەواویان بۆ ئەنجامدراوە”.

هانز كلوج ئاماژەی بەوەشكردووە، “دەكرێت بڵاوبوونەوە و تەشەنەسەندنی ڤایرۆسەكە ڕابگیرێت هەربۆیە پەیامی من بۆ حكومەتانی ئەوروپا ئەوەیە كە كات گونجاو نییە بۆ لاوازكردنی ڕێكارە خۆپارێزییەكان”.

جێی ئاماژەیە، سیستی بەڕێوەچوونی پڕۆسەی كوتان لە ئەوروپا لەكاتێكدایە لەهەفتەی ڕابردوودا ملیۆنێك و 600 هەزار حاڵەتی نوێی تووشبوون بە كۆرۆنا تۆماركران و 24 هەزار حاڵەتی مردنیش هەبووە.