سەردێر

نهێنییەكانی ژیانی دواشەوی قەزافی چى بوو؟

خەڵك-

فەرەج ئیبراهیم یەكێك لە نزیكەكانی سەرۆكی پێشووی لیبیا موعەمەر قەزافییە، ئەو نهێنییەكانی دوا شەوی ژیانی قەزافی بەر لە كوژرانی لە رۆژی 20ی تشرینی یەكەمی 2011 ئاشكرا دەكات.

ئیبراهیم لە فیلمێكی بەڵگەنامەیی كەناڵی العربیەدا باسی رووداوەكانی چەند سەعات پێش كوژرانی سەرۆكی پێشووی لیبیا و گەمارۆدانی كۆشكەكەی دەكات.

ناوبراو دەڵێت توانیویانە بڕیارێكی گرنگ وەربگرن ئەویش بڕواهێنان بوو بە قەزافی بۆ شكاندنی گەمارۆكەی سەری دوای بەرگرییەكی توند لە هەردوولایەن و دوای كشانەوەی هێرشبەرەكان بەشێوەیەكی كاتی لە شەودا وەك ئامادەكاری بۆ شەڕی رۆژی دواتر.

ئاماژەی بەوەشكرد هەوڵیاندا ئۆتۆمبێلێكی گولەنەبڕ ئامادە بكەن، بەڵام كاتیوشایەك پلانەكەی تێكدا، دواكەوتن لەدەرچوون لە شوێنەكەیان ناچاربوون لە شەودا بڕۆن بەهۆی هێرشی فڕۆكەكانی ناتۆ.

دەڵێت: یەكەم هێرشی ناتۆ ئۆتۆمبێلی پاسەوانی قەزافی كردە ئامانج كە لەدوای ئۆتۆمبێلی قەزافییەوە بوو، كە شۆفێرەكەی تێداچوو خوێنی لێ دەچۆڕا.

باس لە ئەوەش دەكات دواتر گورزی دووەم هات ئۆتۆمبێلەكانی بە تەواوی وێرانكرد، شەڕ دەستیپێكرد لە سەعات 8ی بەیانی، زۆرینەی ئەندامەكانی پاسەوانی و نزیكەكانی تێداچوون لە ئەنجامی بۆردومانی قورس.

ئەوەشی خستەڕوو بۆردومان سەرۆكی پێشوو و پاسەوان و تیمەكەی ناچاركرد هەڵبێن، نیوەڕۆكەی بینیویانە كۆمەڵێك لە ناڕازیان لە دەوری ئۆتۆمبێلێكی فریاكەوتن هاواریان دەكرد دروشمیان دەدا دەیانگوت قەزافی مرد.