سەردێر

مێركڵ بڕیاری كەرەنتینە و توندكردنەوەی ڕێكارە خۆپارێزییەكانی هەڵوەشاندەوە

خەڵك

ئەنگێلا مێركڵ ڕاوێژكاری ئەڵمانیا یەك ڕۆژ دوای ڕاگەیاندنی بڕیاری توندتركردنەوەی ڕێكارە خۆپارێزییەكان ئەو بڕیارەی هەڵوەشاندەوە.

هەڵوەشاندنەوەی ئەو بڕیارە دوای كۆبوونەوەی مێركڵ لەگەڵ بەرپرسانی باڵای ویلایەتەكانی ئەڵمانیدا هات، كە بەپێی دەرەنجامی كۆبوونەوەكە ڕاگەیاندنی كەرەنتین و توندتركردنەوەی ڕێكارە خۆپارێزییەكان كرداری نییە.

ڕاوێژكاری ئەڵمانیا ڕاگەیاندنی ئەو بڕیارەی بە هەڵەی خۆی ناوبرد و داوای لێبوردنی لە هاەوڵاتیانی وڵاتەكەی كرد.

بەپێی ئەو بڕیارەی ڕۆژی سێ شەممە ڕاگەیەنرا، بڕیاربوو بۆ ماوەی پێنج ڕۆژ كەرەنتینە و داخستنی گشتیی لە ئەڵمانیا جێبەجێ بكرێت و ئەو بڕیارەش بە توندترین ڕێكار لەسەرەتای بڵاوبوونەوەی كۆرۆنا لەو وڵاتە دادەنرا.