سەردێر

چین هۆشداری توند دەداتە یەكێتی ئەوروپا

خەڵك

باڵیۆزی چین لە یەكێتی ئەوروپا ڕایدەگەیەنێت، سەپاندنی سزا بەسەر لێپرسراوان و دامەزراوەكانی چین، وەڵامدانەوەی توندی دەبێت.

چانگ مینگ باڵیۆزی چین لە یەكێتیی ئەوروپا لە كۆبوونەوەیەكی یەكێتییەكەدا وتەیەكی پێشكەشكرد و تێیدا هۆشداری توندیدایە، یەكێتیی ئەوروپا و ڕایگەیاند: سەپاندنی سزا بەسەر لێپرسراوان و دامەزراوەكانی چین، وەڵامدانەوەی توندی دەبێت.

باڵیۆزی چین لە یەكێتی ئەوروپا ئەوەشی خستەڕوو: سیاسەتی سەپاندنی سزا كاریگەری نەرێنی لەسەر پەیوەندییە نێودەوڵەتییەكان و سەقامگیری و ئاسایشی نێودەوڵەتی دەبێت.

چانگ مینگ ئاماژەی بەوەشدا: پێویستە یەكێتییەكە دەستتێوەردان لە كاروباری ناوخۆی وڵاتان ئەنجام نەدات و دووپاتیشیكردەوە: چین بەهیچ شێوەیەك دەستتێوەردان لە كاروباری ناوخۆی وڵاتەكەی قبوڵ ناكات.

ئەمەش لە كاتێكدایە، بڕیارە ڕۆژی 22 ئەم مانگە یەكێتیی ئەوروپا بە تۆمەتی پێشێلكردنی مافەكانی مرۆڤ، سزا بەسەر چەند لێپرسراو و دامەزراوەی حكومی چیندا بسەپێنێت.



هەلبژاردە

گرنگترینەکان