سەردێر

“واشنتۆن لەهەوڵدایە بۆ ئەوەی چەك بە ئێران نەفرۆشرێت”

وتەبێژی وەزارەتی دەرەوەی ئەمریكا ڕایدەگەیەنێت، لە هەوڵدان بۆ ئەوەی چەك بە ئێران نەفرۆشرێت.


نید برایس وتەبێژی وەزارەتی دەرەوەی ئەمریكا ڕایگەیاند: واشنتۆن چاو بەسیاسەتی خۆی لەبەرامبەر بەنداوی نەهزە و ڕۆڵی لەچارەسەری كێشەكانی نێوان میسر و ئەسیوپیا و سودان دەخشێنێتەوە.

سەبارەت بەسزا سەپێنراوەكانی سەر ئێرانیش وتەبێژەكەی وەزارەتی دەرەوەی ئەمریكا دووپاتیكردەوە، وڵاتەكەیان لەهەوڵدایە بۆ ئەوەی دەوڵەتانی تر چەك بەئێران نەفرۆشن و وتیشی هیچ مەرجێكی پێشوەختیان دانەناوە بۆ ئەوەی تاران بەرەو مێزی گفتوگۆ لەبارەی ڕێككەوتننامە ئەتۆمییەكە بگەڕێتەوە.

بەوتەی برایس واشنتۆن لەگەڵ ئەندامانی ئەنجومەنی ئاسایش لەگفتوگۆی بەردەوامدایە بۆ ئەوەی هەماهەنگ بن لەسەر پرسی ئێران، چونكە هەر كاتێك هەماهەنگی نەبووبێت ئەوا توانای چارەسەریان بۆ چالاكییەكانی ئێران كە مایەی نائارامی بوون لەناوچەكەدا بەرەو لاوازی چووە.

خەڵك – بەشی هەواڵ