سەردێر

بایدن: كۆتایی بە شەڕە درێژخایەنەكان دەهێنین

سەرۆكی ئەمریكا دەڵێت، ئیدارەكەی كاردەكات بۆ كۆتایی هێنان بەو شەڕانەی ماوەیەكی درێژە لە جیهاندا بەردەوامن.


جۆ بایدن سەرۆكی ئەمریكا لە میانەی سەردانێكیدا بۆ وەزارەتی بەرگری وڵاتەكەی (پنتاگۆن) ڕایگەیاند، لەگەڵ لۆید ئۆستن وەزیری بەرگری و سەركردەكان لە سەرانسەری جیهان كاردەكات بۆ كۆتایی‌هێنان بەو شەڕانەی بۆ ماوەیەكی زۆر درێژە بەردەوامن، بەڵام هاوكات دەیەوێت دڵنیاببێت لەوەی ئەمریكا و ئەمریكاییەكان ڕووبەڕووی هەڕەشەی تیرۆریستی نابنەوە.

بایدن وتیشی، وەك فەرماندەی گشتی هێزە چەكدارەكانی ئەمریكا، هەرگیز دوودڵ نابێت لە بەكارهێنانی هێزی سەربازی بە ئامانجی بەرگریكردن لە بەرژەوەندییەكانی ئەمریكا و خەڵكی ئەمریكا و هاوپەیمانانی ئەمریكا لە سەرانسەری جیهاندا.

خەڵك – بەشی هەواڵ