سەردێر

سوپاكەی سەدام لەسوپای چین پێشكەوتووتر بوو

شكستی سوپای عێراق، سوپای چینی خستە ترس و دڵەڕاوكێوە

خەڵك-

سەركەوتنى هێزەكانی هاوپەیمانان بە سەرۆكایەتی ئەمریكا لە جەنگی رزگاركردنی كوێت لە ساڵی 1991دا و شكستی سوپای عێراق، سوپای چینی خستە ترس و دڵەڕاوكێوە.

بەپێی راپۆرتی ناشناڵ ئینترێست سوپای عێراق لەو كاتەدا پێشكەوتووتر و بەهێزتر بووە لە سوپای چینی.

سوپای چینی كەموكوڕی هەبوو لە پشتیوانی دارایی و سیاسی پێویست بۆ مەشق و راهێنان بە شێوەیەكی بەرفراوان، دەبوو پشت بە ئەزموونی دەرەوەیی ببەستێت بۆ پێشكەوتنی.

دەكرێت ئەزموون و لێهاتوویی سوپاكانی دیكە ببنە هۆكاری دۆزینەوەی كەموكوڕییەكانی سوپای چین.

جەنگی كەنداو دوورنییە لەم چوارچێوەیە، سوپای چین چاوەدێری سوپای ئەمریكای دەكرد كە چۆن توانی بەهێزترین و گەورەترین سوپای عێراق بە ئاسانی لەنێوبەرێت.

كەرەستەی سەربازی كۆن لە ساڵی 1991دا یەكێك لە گەورەترین كێشەكانی چین بوو كە بە دەستی دەیناڵاند بەڵام سوپای عێراق پێشكەوتووتر بوو لە پێشكەوتوویی و پڕچەكیدا.

لەو كاتەدا هێزی ئاسمانی عێراق خاوەنی فڕۆكەی پێشكەوتووی جۆری مێگ 23، مێگ 25 و مێگ 29 بوو، بەڵام سوپای چینی پشتی دەبەست بە جۆری مێگ 21، لەگەڵ فڕۆكە كۆنەكانی یەكێتی سۆڤێت كە كاتی خۆی پێی گەیشتبوو لە نمونەی مێگ 19.