سەردێر

بایدن وەڵامی خامنەیی دەداتەوە

سەرۆكی ئەمریكا وەڵامی ڕێبەری باڵای كۆماری ئیسلامی ئێران دایەوە لە بارەی مەرجی تاران بۆ پابەندبوون بە ڕێككەوتنی ئەتۆمی.


جۆ بایدن، سەرۆكی ئەمریكا لە لێدوانێكدا ڕایگەیاند، تا ئێران نەگەڕێتەوە بۆ دانوستانەكانی تایبەت بە زیندووكردنەوەی ڕێككەوتنی ئەتۆمی پابەندی ڕێككەوتنەكە نەبێت واشنتۆن گەمارۆكانی لەسەر ئەو وڵاتە هەڵناگرێت.

بایدن وتیشی، كە پێویستە ئێران پیتاندنی یۆرانیۆم بە ڕێژەی بەرز ڕابگرێت.

ئەمەش دوای ئەوە دیت، كە ئەمڕۆ یەكشەممە، عەلی خامنەیی ڕێبەری باڵای كۆماری ئیسلامی ئێران مەرجی وڵاتەكەی بۆ پابەندبوون بە ڕێككەوتنی ئەتۆمی لەگەڵ ئەمریكا و وڵاتانی كاریگەری جیهان ئاشكراكرد و ڕایگەیاند: پێویستە سەرەتا ئەمریكا گەمارۆكانی سەر ئێران هەڵوەشێنێتەوە.

خەڵك – بەشی هەواڵ