سەردێر

خامنەیی: با ئەمریكا سزاكان لاببات

ڕێبەری باڵای كۆماری ئیسلامی ئێران ڕایدەگەیەنێت، تاكە مەرجی گەڕانەوە بۆ ڕێككەوتنی ئەتۆمیی هەڵگرتنی سزاكانە.


ئایەتوڵا عەلی خامنەیی ڕێبەری باڵای كۆماری ئیسلامی ئێران مەرجی وڵاتەكەی بۆ پابەندبوون بە ڕێككەوتنی ئەتۆمی لەگەڵ ئەمریكا و وڵاتانی كاریگەری جیهان ئاشكراكرد و ڕایگەیاند: پێویستە سەرەتا ئەمریكا گەمارۆكانی سەر ئێران هەڵوەشێنێتەوە.

ڕێبەری باڵای كۆماری ئیسلامی ئێران ئاماژەی بۆ ئەوەشكرد، تا واشنتۆن سزاكانی سەر تاران هەڵنەوەشێنێتەوە دەستبەرداری پێشكەوتنەكانیان نابن لە پڕۆگرامی ئەتۆمیدا.

خامنەیی ئەوەشی خستەڕوو، ئێران هەموو ئەركەكانی خۆی لە ڕێككەوتنی ئەتۆمیدا جێبەجێكرد، بەڵام ئەمریكا و وڵاتانی ئەوروپا جێبەجێیان نەكرد، ئەگەر دەیانەوێت تاران بگەڕێتەوە بۆ ئەو ڕێككەوتنە با ئەمریكا سزاكان لاببات.

خەڵك – بەشی هەواڵ