سەردێر

فەڕەنسا ڕەخنەی توند ئاڕاستەی ڕوسیا دەكات

وەزیری دەرەوەی فەڕەنسا ڕایدەگەیەنێت، دەستگیركردنی ناڤالنی سەركردەی دیاری ئۆپۆزسیۆنی ڕوسیا، كارێكی نەشیاو.


جان ئێف لۆردیان وەزیری دەرەوەی فەڕەنسا لە چاوپێكەوتنێكی تەلەفزیۆنیدا هێرشی توندی كردە سەر دەسەڵاتدارانی روسیا و رایگەیاند دەستگیركردنی ئەلیكسی ناڤالنی سەركردەی دیاری ئۆپۆزسیۆنی ڕوسیا، كارێكی نەشیاو و زۆر دوورە لە هەموو بنەمایەكی دیموكراسی و مافی مرۆڤ .

وەزیری دەرەوەی فەڕەنسا ئەوەشی خستەڕوو، دۆخی ڕوسیا سەبارەت بەمافی دەربڕینی بیروڕا و ئازادییەكان زۆر خراپە و حكومەتی ڕوسیا لە ژێر بیانووی بێ بنەمادا هەموو جووڵانەوەیەكی ئۆپۆزسیۆن لە وڵاتەكەی سەركوت دەكات .

لۆردیان داواشی لە حكومەتی ڕوسیا كرد بە زووترین كات سەرجەم ئەو خۆپیشاندەران و سەرانی ئۆپۆزسیۆنی وڵاتەكەی ئازاد بكات.

خەڵك – بەشی هەواڵ