سەردێر

بەرپرسێكی ئەمریكا: ئەگەری بەرپابوونی جەنگی ئەتۆمی هەیە

خەڵك-
بەرپرسێكی سەربازی دەركەوتووی ئەمریكا ڕایدەگەیەنێت، واپێدەچێت ئەگەری بەرپابوونی جەنگی ئەتۆمی لەنێوان ویلایەتە یەكگرتووەكان و ڕوسیان یان چین، لەئارادابێت.

ئەدمیراڵ چارڵز ریچارد، فەرماندەیی ستراتیژی لە سوپای ئەمریكا، داوای لە سەركردە سەربازی و سیاسییەكانی ویلایەتە یەكگرتووەكان كرد، بیر لە شێوازیی نوێ‌ بكەنەوە بۆ “بەرپەرچدانەوەی دووژمنكاریی”، لەلایەن ڕوسیا و چینەوە.

تۆڕی (فۆكس نیوز)ی ئەمریكایی لە زاری ریچاردەوە بڵاویكردەوە”هەر تەنگژەیەك لەنێوان ویلایەتە یەكگرتووەكان و نەیارەكانی دروست ببێت، بەخێرایی بەرەو ململانێیەك دەخلیسكێن كە چەكی ئەتۆمی تێدا بەكاردەهێنرێت”.

فەرماندەیی سترتیژی “ستار كۆم” لە سوپای ئەمریكادا ئەركی بەرپەرچدانەوزەی هەر هێرشێكی ستراتیژی لەئەستۆدایە كە ویلایەتە یەكگرتووەكان بكاتە ئامانج و بارەگاكەشی لە بنكەی (ئەوفوت)ی ئاسمانییە لە ویلایەتی نبراسكای ناوەڕاستی ئەمریكا.

ئۆپەراسیۆنەكانی ئەو فەرماندەییە، چەندان ئەركی وەك ئۆپەراسیۆنی ئەتۆمی و فەزایی و بەرگری و مووشەكی و هێرشی جیهانی لەخۆدەگرێت.

بە وتەی ئەدمیراڵ ئەمریكاییەكەش، شێوازە نوێیەكانی بەرپەرچدانەوە، “ئەگەرێكی ڕستەقینەی” جەنگی ئەتۆمی لەخۆدەگرن.