سەردێر

ناڤالنی سزا درا

خەڵك-

ئەلێكس ناڤالنی سەركردەی ئۆپۆزسیۆنی روسیا بڕیاری سزای بۆ دەرچوو.

ئەلێكس ناڤالنی لەلایەن دادگای روسیاوە بڕیاری زیندانیكردنی بۆ ماوەی 3 ساڵ و نیو بۆ دەرچوو.

هاوكات تیمی پارێزەرانی ئەلێكس ناڤالنی داوایان لەلایەنگرانی ناوبراو كرد بڕژێنە سەر شەقامەكان.

هەرزوو لایەنگرانی ناڤالنی رژانە سەر شەقامەكانی مۆسكۆی پایتەخت لە شەوی رابردوو ناڕەزایەتی خۆیان دژی بڕیارەكەی دادگا نیشان دا.

لای خۆشیانەوە هەر یەكە لە ئەمریكا و بەریتانیا و چەند وڵاتێكی دیكە دژایەتی خۆیان بۆ بڕیارەكەی دادگای روسیا نیشاندا داوای هەڵوەشاندنەوە و بەپەلە و بێ مەرجی دەرچوونی ناڤالنی سەركردەی ئۆپۆزسیۆن و رەخنەگری كرێملنیان كرد لە زینداندا.

بەپێی سەرچاوەكان لە خۆپیشاندانەكانی دوێنێدا لە روسیا زیاتر لە هەزار خۆپیشاندەر دەستگیركراون.

لە خۆپیشاندانەكانی هەفتەی رابردووشدا زیاتر لە 5 هەزار خۆپیشاندەر لەلایەن هێزە ئەمنییەكانەوە دەستگیركراون.

رۆژی 17ی مانگی رابردوو ئەلێكس ناڤالنی گەڕایەوە روسیا لە ئەڵمانیاوە، راستەوخۆ بە گەیشتنی بە فڕۆكەخانە لەلایەن هێزە ئەمنییەكانەوە لە مۆسكۆ دەستگیركرا.