سەردێر

لە چین ڤاكسینی كۆرۆناش ساختەكرا

بە تۆمەتی ساختەكردنی ڤاكسینی كۆرۆنا پۆلیسی پەكین دەیان كەسی دەستگیركرد.

پۆلیسی پەكینی پایتەختی چین دەستگیركردنی 80 كەسی ڕاگەیاند، كە ئاوی سوێریان وەك ڤاكسین بەهاووڵاتیان فرۆشتووە.

پۆلیسی ئەو پەكینی پایتەختی وڵاتە چین ڕایگەیاند، لە مانگی ئەیلولی ساڵی ڕابردووەوە، 80 تۆمەتباریان دەستگیركردووە كە ئاوی سوێریان كردووەتە ناو چەند بتڵێكەوە و وەك ڤاكسینی كۆرۆنا بە هاووڵاتیانیان فرۆشتووە.

پۆلیسی چین لە ناوچەكانی ڕۆژهەڵاتی جیانگسۆ و چاندۆنگی ڕۆژهەڵاتی پەكین، هەڵیانكوتاوەتە سەر چەندین شوێن و دەستیان بەسەر زیاتر لە (سێ هەزار) ڤاكسینی ساختەدا گرتووە، بەڵام بەفەرمی ژمارەی ئەو ڤاكسینانە ئاشكرانەكراون كە بە ساختە دروستكراون و فرۆشراون، هێزە ئەمنیەكان شوێنی فرۆشتنەكەیان دۆزیوەتەوە و ئاماژە بەوەشكراوە هێزەكانی پۆلیس توانیویانە 80 كەس بەتۆمەتی فرۆشتنی ئەو ڤاكسینە ساختەیە دەستگیربكەن.

خەڵك – بەشی هەواڵ