سەردێر

مۆسكۆ هۆشداری توند دەداتە دیمەشق

كۆشكی كرملن داوادەكات حكومەتی دیمەشق داواكارییەكانی (هەسەدە) جێبەجێ‌ بكات.

میدیاكانی ڕوسیا لە زاری لێپرسراوێكی باڵای كۆشكی كرملن بڵاویانكردەوە، مۆسكۆ حكومەتی سوریای ئاگادار كردووەتەوە كە داواكارییەكانی هێزەكانی سوریای دیموكرات جێبەجێ بكات و سەربازەكانی لە ڕۆژئاوای كوردستان بەشێوەیەكی ئاشتییانە بباتە دەرەوە.

ئەوەش خراوەتەڕوو، داوا لە دیمەشق كراوە گەمارۆی سەر ناوچەكانی حەلەب و شەبها و تەنەف و درعا هەڵبگرێت و هۆشداریشداوە لەوەی كارەسات ڕوودەدات ئەگەر هێزەكانی سوریای دیموكرات نەوت لە ڕۆژئاوای فورات ببڕن و چیتر مامەڵەش بە لیرەی سوری نەكەن.

ئەوەش ئاشكراكراوە، ئەگەر ڕۆژئاوای كوردستان دەستبەرداری لیرەی سوری ببێت، بەهای دراوی سوریا 50 ئەوەندەی تر دادەبەزێت و لەوكاتەشدا تەنانەت ڕوسیا ناتوانێت فریای هەرەسهێنانی كەرتی دارایی سوریا بكەوێت.

خەڵك – بەشی هەواڵ