سەردێر

ئێران: ڕێكەوتنی ئەتۆمیمان بەجێنەهێشتووە تا بۆى بگەڕێينەوە

خەڵك-
مەحمود واعیزی، بەرپرسی نوسینگەی سەرۆك كۆماری ئێران ڕایدەگەیەنێت،
ئیدارەكەی دۆناڵد ترەمپ سەرۆكی ئەمریكا یان جۆ بایدن سەرۆكی ئێستای وڵاتەكە، هیچ جیاوازییەكی نییە لای ئێمە.

لەبارەی لێدوانی وەزیری دەرەوەی ئەمریكاش كە مەرجی گەڕانەوەی تارانی بۆ گەڕانەوە بۆ ڕێكەوتنی ئەتۆمی دانابوو بەر لە گەڕانەوەی ئەمریكا بۆ ڕێكەوتنەكە، واعیزی ڕایگەیاند:”ڕێكەوتنەكەمان بەجێنەهێشتووە تا بۆی بگەڕێنەوە، پابەندی ڕێكەوتنەكە دەبین كەی دڵنیابوین لەوەی ئەوروپا و ویلایەتە یەكگرتووەكان پابەنددەبن”.

بە وتەی بەرپرسی نوسینگەی سەرۆك كۆماری ئێران:”دانوستانمان كرد و دۆسێی دانوستان لەباری ڕێكەوتنە ئەتۆمییەكەوە داخرا، هەڵوێستمان بەرانبەر بە ڕێكەوتنەكە ڕوون بوو، تائێستاش هەر هەمان هەڵوێستمان هەیە”.

مەحمود واعیزی دەڵێت:”لەنێوان داواكارییەكانی ترەمپ، كردنەوەی دۆسێی ئەتۆمی بوو، ئیدارەكەی ترەمپ یان بایدن، بۆ ئێمە جیاوازیی نییە، بۆیە ئێستا دەڵێن، وەك پێشتر وتومانە، ئێمە سورین لەسەر هەڵوێستی خۆمان”.