سەردێر

ئەمریكا فڕۆكەی بی52 دەنێرێتە ئاسمانی ڕۆژهەڵاتی ناوەڕاست

خەڵك-
فەرماندەیی ناوەندیی هێزەكانی ئەمریكا ئاشكرای دەكات، كە لەدوای دەستبەكاربوونی سەرۆكی نوێی وڵاتەوە بۆ یەكەمجار فڕۆكەی بی52-یان ناردۆتە ئاسمانی ڕۆژهەڵاتی ناوەڕاست و جەختیش لە پاراستنی “هاوبەشەكانمان” دەكەینەوە.

فەرماندەیی ناوەندیی هێزەكانی ئەمریكا لە بەیاننامەیەكدا ئاماژەی بەوەكردووە، كە فڕۆكەی بی52 ڕەوانەی ئاسمانی ناوچەكانی ڕۆژهەڵاتی ناوەڕاست كراوە و بۆ ماوەی 36 كاتژمێر ئەو فڕۆكانە بە ئاسمانی ناوچەكەدا سووڕاونەتەوە.

ڕاشیگەیادووە، هێزەكانمان ئامادەییان وەرگرتووە بۆ بەرپەرچدانەوەی هەر هەڕەشەیەك و هەموو كات ئامادەشین بۆ پاراستنی هاوبەشەكانمان لە هەر دەستدرێژییەك.

جەختیشی كردۆتەوە، كە سووڕانەوەی ئەو فڕۆكانە بۆ ئەنجامدانی هێرشی ئاسمانی نەبووە، بەڵكو بۆ نیشاندانی توانا سەربازییەكانی ئەمریكا بووە.

فڕۆكەی زەبەلاحی (B52) لەو فڕۆكانەن، كە تەنها لە بۆردومانی چڕدا بەكار دێت و دەیان تۆن تەقەمەنی هەڵدەگرێ و بۆ ماوەیەكی زۆر لە ئاسماندا توانای مانەوەی هەیە.