سەردێر

ئەوروپا دژی روسیا دەجوڵێت

 

وەزیرانی دەرەوەی یەكێتی ئەوروپا ئەمڕۆ دوو شەممە كۆدەبنەوە بۆ تاوتوێكردنی دەستگیركردنی ئەلێكس ناڤالنی سەركردەی ئۆپۆزسیۆن و رەخنەگری فلادیمیر پۆتین سەرۆكی روسیا لەلایەن دەسەڵاتدارانی روسیاوە.

نوێنەرانی 27 وڵات بەشداری لە كۆبونەوەی ئەمڕۆی ئەوروپا دەكەن لە برۆكسل پایتەختی بەلجیكا بۆ تاوتوێكردنی پەیوەندییەكانی یەكێتی ئەوروپا لەگەڵ سەرۆكی نوێی ئەمریكا جۆ بایدن بەتایبەت لە دۆسێی رێككەوتنی ناوەكی ئێران.

روسیا وێڕای دەستگیركردنی ئەلێكس ناڤالنی سەركردەی ئۆپۆزسیۆن و رەخنەگری پۆتین، هەزاران خۆپیشاندەر و لایەنگری ئۆپۆزسیۆن و ناڤالنیشی دەستگیركردووە لە ئەنجامی شەپۆلی ناڕەزایەتییەكانی چەند رۆژی رابردوو لە كاردانەوە بە دەستگیركردنی سەركردەكەیان.

وەزیری دەرەوەی لیتوانیا گابریلیوس لاندسبیرگیس لە كاتی گەیشتنی بە شوێنی كۆبوونەوەكە، رایگەیاند پێویستە یەكێتی پەیامێكی زۆر ڕوون بگەیەنێت كە ئەوەی قەبوڵ نییە.

دبلۆماتە ئەوروپاییەكان بۆ ئاژانسی دەنگوباسی ئەی ئێف پی رایانگەیاند پێشبینیناكەن وەزیرانی دەرەوەی ئەوروپا رێكبكەون لەسەر سەپاندنی سزا بەسەر كرێملندا لە ئەمڕۆ دوو شەممە.

خەڵك- بەشی هەواڵ
سەرچاوە/ANEWS