سەردێر

لەسنوری هیندو چین شەڕ ڕوویدا

 

لەنێوان هیندستان و چین لەسەر سنوری ناوچەی ناكۆكی لەسەر چیاكانی هیمالایا شەڕ روویدا.

سەرچاوە سەربازییەكان و دەزگاكانی راگەیاندنی هیندستان ئەمڕۆ دوو شەممە ئاشكرایانكرد هەفتەی رابردوو لە رێڕەوێكی شاخاوی لە هەرێمی سیكیم لە باكوری خۆرهەڵات شەڕ رووی داوە بەپێی هەواڵێ‌ فرانس پرێس.

بەرپرسانی سەربازی هیند بۆ مێدیاكانی هیند رایانگەیاند، بەهۆی شەڕەكەوە لە هەردوولایەنی هیندی و چینی بریندار هەبوون لە ریزەكانی سوپادا.

ئەم پێكدادانە دوای شەش مانگ دێت لە شەڕێكی دیكەی نێوان سوپاكانی چین و هیندستان لە هاوینی رابردوودا كە كوژراو و برینداری لێكەوتەوە.

زانیاری زیاتر لەسەر پێكدادانەكە بڵاونەكراوەتەوە و هیچ لێدوانێكی فەڕمیش لەوبارەیەوە نەدراوە.
خەڵك- بەشی هەواڵ