سەردێر

تائێستا كەس بەڤاكسینی كۆرۆنا نەمردووە

WHO؛ تا ئێستا هیچ كەسێك بەڤاكسینی كۆرۆنا نەمردووە

خەڵك- بەشی هەواڵ
حكومەتی نەرویج مردنی 23 توشبووی بە كۆرۆنا ڕاگەیاند، كە دوای بەكارهێنانی ڤاكسینی فایزەر گیانیان لەدەستداوە ڕێكخراوی تەندروستی جیهانیش دەڵێت،” تا ئێستا هیچ كەسێك بەڤاكسینی كۆرۆنا گیانی لە دەست نەداوە”.

ڕێكخراوی تەندروستی جیهانی لەراگەیەنراوێكدا بڵاویكردەوە ، تا ئێستا هیچ كەسێك لەهیچ شوێنێكی دونیا بەڤاكسینی كۆرۆنا نەمردووە، كە زۆرترین ڤاكسین كە تائێستا بەشوێنە جیاوازەكانی جیهان گەیشتبێت ڤاكسینی كۆمپانیای فایزەرە .

ئاماژەی بۆ ئەوەشكردووە، وەك ڕێكخراوەكەیان بەردەوام بەدواداچوون بۆ ڤاكسینی فایزەر دەكەن و زانیاریش لەو وڵاتانە وەردەگرن كە تیایاندا بەكاردەهێنرێت، لێكۆڵینەوەش لە مردنی ئەو 23 حاڵەتی نەرویج دەكەن ،كە هەفتەی ڕابردوو دوای بەكار هێنانی ڤاكسین گیانیان لەدەستدا .