سەردێر

پرۆسەی خوێندن لە عیراق ڕادەگیرێت

خەڵك-

ئەنجومەنی وەزیران بڕیار دەدات، پرۆسەی خوێند لە قونابخانە و زانكۆكان ڕابگيرێت.

ئەمڕۆ سێ‌ شەممە، سەرچاوەیەكی ئاگادار بە میدیاكانی عیراقی ڕایگەیاند، لە كۆبوونەوەی ئەمڕۆی ئەنجونی وەزیران، بڕیاردا بە ڕاگرتنی خوێندن لە پۆلەكاندا لە خوێندنگە و زانكۆكان، ئەمەش هاوكاتە لەگەڵ بڕیارێكی هاوشێوەی ئەنجومەنی وەزیران لە كۆبوونەوەكەی ئەمڕۆدا سەبارەت بە سەپاندنی كەرەنتینە بۆ ماوەی دە ڕۆژ كە لە 12ئەم مانگەوە بۆ 22ی مانگ بەردەوام دەبێت.

ڕێژەی تووشبوون بە ڤایرۆسی كۆرۆنا لە عیراق، گەیشتۆتە ئاستێكی مەترسیدار، لە ماوەی 24 كاتژمێری ڕابردووشدا وەك وەزارەوتی تەندروستی لە بەیاننامەیەكدا ئاماژەی پێكردووە، 6143 كەس تووشی كۆرۆنا بوون و 7242 كەسی نەخۆشییەكەیان پەڕاندووە و چاكبوونەتەوە، 43 كەسیش بەهۆی پەتاكەوە گیانیانلەدەستدا.