سەردێر

دابەشكردنی بەشەخۆراك و ئاردی سفر بۆ ڕەمەزان دەستی پێكرد

خەڵك-
وەزارەتی بازرگانی عیراق ئاشكرای دەكات، كە دەستیان كردووە بە دابەشكردنی بەشە ئاردی سفر و بەشەخۆراكی برنج و شەكر و زەیت بۆ مانگی ڕەمەزان.

وەزارەتی بارزگانی عیراق لە ڕاگەیەنراوێكدا ئاماژەی بەوەكردووە، وەزیری بازرگانی سەرپەرشتی ڕاستەوخۆی دابەشكردنی بەشەخۆراكی تایبەت بە مانگی ڕەمەزانی پیرۆز دەكات.

ڕاشیگەیاندووە، كە دەستیان بە دابەشكردنی ماددەكانی زەیت و شەكر و برنج كردووە بۆ مانگی ڕەمەزان وەك بەشەخۆراكێكی تەواو و لە ئێستادا 90%ی پارێزگاكان وەریانگرتووە.

ئاماژەی بەوەشكردووە، بۆ مانگی ڕەمەزان بەشە ئاردی سفر بە بڕی 5 كیلۆ بۆ خێزانێك دابەش دەكرێت، كە لە ئاشەكانی حكومی و ئەهلی ناوخۆ بەرهەم هێنراوە و هەروەها بەشە ئاردی مانگی ڕەمەزانیش دابەش دەكرێت.

لای خۆشیەوە، حەسەن كەعبی، جێگری سەرۆكی پەڕلەمان لە پشكی سەدر لە لێدوانێكی ڕۆژنامەوانیدا ڕایگگەیاند، پێویستە هەموو مانگێك دوو بەشەخۆراك بەسەر هاووڵاتیاندا تا كۆتایی ساڵ دابەش بكرێت لەپێناو دابەزاندنی نرخی خۆراك لە بازاڕ و هاوكاری كردنی هاووڵاتیان.