سەردێر

نوسەرێك بانگەواز بۆ ئاهەنگی سوتاندنی كتێبەكانی دەكات

خەڵك-
حسێن عامل، نوسەر و مێژوونوس ڕایدەگەیەنێت، ئەو كتێبانەی كە لەماوەی 40 ساڵی تەمەنیدا لەبارەی فۆلكلۆری میلییەوە لە ناسریە نوسیونی، دەیانسوتێنێت.

عامل لەڕێی پەیجی تایبەتی خۆی لەسەر تۆڕە كۆمەڵایەتییەكان ڕایگەیاندووە”ئەمە بانگەوازە بۆ ئامادەبوون لە ئاهەنگی سوتاندنی كتێبەكانم، لە دوای 40 ساڵ لە كۆكردنەوەی فۆلكلۆری میللی لە شاری یەكەم پیت (ناسریە) و كاركردن بۆ هێنانەدی پێنج موجەڵەدی گەورە، لە دوای لێدان لە چەندان دەرگا بۆ هاوكاریكردنمی لەپێناو چاپكردنی، سەركەوتوو نەبووم”.

ئەو نوسەرە عیراقییە دەڵێت”پەنابردنە بەر سوتاندنی ئەو كتێبانەی لەماوەی چل ساڵدا نوسیومن و لە گۆڕەپانی حەبوبی ئاگرییان تێبەردەدەم، پەیامێكی ناڕەزایيە بۆ ئەو ئەو شارەی كە بایەخ بە فۆلكلۆری میللی خۆی نادات”.