سەردێر

لیژنەی دارایی: بودجە بە تەوافوق تێدەپەڕێنرێت

خەڵك-
لیژنەی دارایی پەرلەمانی عیراق ڕایدەگەیەنێت، بودجەی 2021 بە ڕێكەوتنی نێوان تەواوی فراكسیۆنە سیاسییەكان تێدەپەڕێنرێت.

ئەمڕۆ دوو شەممە، ئاژانسی دەنگوباسی فەرمی (العراقیە) لە زاری ناجی سەعیدی، ئەندامی لیژنەی دارایی پەرلەمانی عیراق بڵاویكردەوە”دەنگدان لەسەر بودجە لە كۆتایی ئەم هەفتەیەدا دەبێت، بودجەكەش بە تەوافوق نەبێت تێناپەڕێنرێت”.

بە تەی سەعیدی”بودجە بە ڕێكەوتنی نێوان هەموو فراكسیۆنە سیاسییەكان بە فراكسیۆنە كوردییەكانیشەوە تێدەپەڕێنرێت”، بەدووریشی زانی بە زۆرینە دەنگ لەسەر بودجە بدرێت.

ئەو ئەندامەی لیژنەی دارایی پەرلەمانی عیراق دەڵێت”گەر زۆرینە دەنگی بدایە، دانوستانەكان بەردەوام نەدەبوون و پەسەندكردنی بودجە بۆ ئەم ساتەوەختە دوانەدەكەوت”.