ڕاوێژكاری ئاسایشی نیشتمانی عیراق ڕایدەگەیەنێت، هاوپەیمانی باكوری ئەتڵەسی (ناتۆ) لەگەڵ عیراق كار دەكات بە ڕەزامەندی و هەماهەنگی حكومەتی عیراق.
قاسم ئەعرەجی راوێژكاری ئاسایشی نیشتمانی عیراق، لە جریوەیەكدا لە تۆڕی كۆمەڵایەتی تویتەر نووسیویەتی: هاوپەیمانی باكووری ئەتڵەسی (ناتۆ) لەگەڵ عیراق كار دەكات بە ڕەزامەندی و هەماهەنگی حكومەتی عیراق و ئەركەكەشی لەچوارچێوەی ڕاوێژكاری وە مەشق و ڕاهێنانە نەك شەڕكردن.
ئەعرەجی ئەوەشی خستووەتەڕوو: لەگەڵ وڵاتانی جیهان هەماهەنگی دەكەن و سوود لە شارەزاییەكانیان وەردەگرن، بەتایبەت لە ڕاوێژ و ڕاهێنان و باشتركردنی ئاسایش و سەقامگیری وڵات، هیچ ڕێككەوتنێكیش نییە لەسەر ژمارەی ڕاهێنەرانی وڵاتانی جیهان.
پێشتریش، یەنس ستۆڵتنبێرگ سكرتێری گشتیی هاوپەیمانی باكووری ئەتڵەسی (ناتۆ) ڕایگەیاندبوو، وەزیرانی بەرگریی وڵاتانی ئەندام لە هاوپەیمانییەكە لەسەر ئەوە ڕێككەوتوون كە چالاكییەكانی ناتۆ لە عیراق فراوانتر بكەن و ژمارەی سەرباز و ڕاوێژكارەكانیان لە 500 كەسەوە بۆ نزیكەی 4000 كەس زیاد بكەن.
خەڵك – بەشی هەواڵ
حلف الناتو يعمل مع العراق و بموافقة الحكومة العراقية وبالتنسيق معها، ومهمته استشارية تدريبية وليست قتالية..
نتعاون مع دول العالم، ونستفيد من خبراتها في المشورة والتدريب، لتعزيز الأمن والاستقرار و لا اتفاق عن اعداد المدربين .— قاسم الاعرجي (@qassimalaraji) February 19, 2021
