سەردێر

دەربارەی داخستنی مزگەوت و هۆڵی بۆنەكان و نوێژی هەینی بڕیار درا

ئەرشیف، وێنەی مزگەوتی گەورەی سلێمانی

خەڵك-
دیوانی وەقفی سوننی عیراق بڕیاریدا بە داخستنی سەرجەم مزگەوت و هۆڵی بۆنەكان بەهۆی تەشەنەسەندنی ڤایرۆسی كۆرۆناوە.

دیوانی وەقفی سوننی عیراق لە نووسراوێكدا، كە ئاڕاستەی سەرجەم بەڕێوەبەرایەتییەكانی وەقفی كردووە ئاماژەی بەوەكردووە، پاڵپشت بە بڕیاری لیژنەی باڵای تەندروستی و سەلامەتی نیشتمانی عیراق و بڕیاری ئەمیندارێتی گشتی ئەنجوومەنی وەزیران بڕیاریان داوە بە دەخستنی سەرجەم مزگەوت و شوێنە ئایینی و هۆڵی بۆنەكان لە بەغدا و تەواوی پارێزگاكانی عیراق.

ڕاشیگەیاندووە، تەنها بانگدان لە مزگەوتەكانەوە پەخش دەكرێت و نوێژخوێنان دەبێت لەماڵەكانیان نوێژ ئەنجام بدەن.

سەبارەت بە نوێژی هەینی جەختی كردۆتەوە، نوێژی هەینی لەلایەن پێشنوێژ و بانگبێژەوە ئەنجام دەدرێت و لەڕێگەی بڵندگۆوە دەگوازرێتەوە و نوێژخوێنان لەماڵەوە نوێژی هەینی ئەنجام دەدەن.