سەردێر

سێ‌ ڕۆژ قەدەغەی هاتووچۆی گشتی ڕاگەیەنرا

وەزیری تەندروستی و ژینگەی عیراق ڕایدەگەیەنێت، ڕۆژانی هەینی و شەممە و یەكشەممە دەبێتە قەدەغەی هاتوچۆی گشتی.


دكتۆر حەسەن تەمیمی وەزیری تەندروستی و ژینگەی عیراق ڕایگەیاند: ڕۆژانی هەینی و شەممە و یەكشەممە قەدەغەی هاتووچۆی گشتییە و ڕۆژانی تر لە كاتژمێر 8ی ئێوارەوە تا 5ی بەیانی قەدەغەی هاتووچۆ پەیڕەو دەكرێت.

وەزیری تەندروستی و ژینگەی عیراق ئاماژەی بەوەشدا، هەركەسێك دەمامك نەبەستێت بە بڕی 25 هەزار دینار سزا دەدرێت و ڕێگای یاسایی بەرامبەر ئەو كەسانەش دەگیرێتەبەر كە سەرپێچی ڕێكارەكان دەكات لەدانانی پرسە و كردنەوەی چێشتخانە و كافتریا هەموو بڕیارەكانی تری لیژنەی باڵای تەندروستی و سەلامەتی نیشتمانی لە عیراق.

ئەمڕۆ، لیژنەی باڵای تەندروستی و سەلامەتی نیشتمانی لە عیراق بەهۆی بەرزبوونەوەی ڕێژەی تووشبووانی كۆرۆنا ڕێوشوێنەكانی خۆپارێزی توندتر دەكرێنەوە بڕیاردرا لە كاتژمێری (8)ی شەوەوە تا(5)ی بەیانی قەدەغەی هاتووچۆ پەیڕەو بكرێت.

خەڵك – بەشی هەواڵ