سەردێر

ئاماری نوێی كۆرۆنا

2هەزارو 190 توشبوی نوێی كۆرۆنا لە سەرانسەری عێراق تۆماركراوە

خەڵك-

لە 24 كاتژمێری رابردودا 2هەزارو 190 توشبوی نوێی ڤایرۆسی كۆرۆنا لە سەرانسەری عێراق تۆماركراوە و 7 كەسیش بەهۆی كۆڕۆناوە گیانیان لەدەستداوە.

‌وەزارەتی تەندروستی و ژینگەی عێراق ئامارێكی تایبەت بە ڤایرۆسی كۆرۆنای بڵاو كردەوە و لە ئامارەكەدا هاتووە، لە 24 كاتژمێری رابردودا دوو هەزارو 190 توشبوی نوێی كۆڕۆنا لە سەرانسەری عێراق تۆماركراون.

ئەوەش هاتووە، ڕێژەی چاكبونەوە هەزارو 158 كەس بووە و 7 كەسیش گیانیان لەدەستداوە.‌

بەپێی ئامارەكە، ڕێژەی زۆری توشبوان لە پارێزگای بەغدا بووە كە ژمارەیان 469 توشبووە و كەمترین ڕێژەی توشبونیش لە پارێزگای سەڵاحەدین بووە‌ كە 3 كەسە و زۆرترین رێژەی گیان لەدەستدانیش لە پارێزگای زیقار بووە كە 2 كەس بەهۆی كۆرۆناوە گیانیان لەدەستداوە.