سەردێر

خۆكوژێكی داعش بەهۆی هەڵەیەكەوە 21 چەكداری خۆیانی كوشت

خەڵك-
لە پارێزگای سەڵاحەدین چەكدارێكی داعش بە هەڵە ئۆتۆمبێلێكی بۆمبڕێژكراوی تەقاندەوە و بەهۆیەوە 21 چەكداری ڕێكخراوەكەیان كوژران.

لیوا ڕوكن جەبار دەراجی، فەرماندەی ئۆپەراسیۆنەكانی سامەڕا لە ڕاگەیەنراوێكدا ئاماژەی بەوەكردووە، “خۆكوژێكی داعش ئۆتۆمبێلێكی بۆمبڕێژكراوی بە هەڵە تەقاندەوە و بەهۆیەوە 21 چەكداری ڕێكخراوەكە كوژران.

ڕاشیگەیاندووە، ئەو خۆكوژەی داعش دەیویست ئەو ئۆتمۆبێلە دواتر بە خاڵێكی ئەمنی سەر بە پۆلیسی فیدڕاڵی عێراقدا بیتەقینێتەوە لە ناوچەی جەلامی سەر بە شارۆچكەی سامەڕا لە باشووری دوور لە پارێزگای سەڵاحەدین.

دەراجی ئاماژەی بەوەچكردووە، خۆكوژەكە بەر لە بەڕێكەوتنی دەستی نا بە دوگمەی هۆڕن لە ئۆتۆمبێلە بۆمبڕێژكراوەكە بۆ ئەوەی خواحافیزی لە هاوڕێكانی بكات، بەڵام لەبیری چووبوو، كە ئەوە دوگمەی تەقینەوەیە و دەستبەجێ تەقییەوە و سەرجەم چەكدارەكانی داعشی لەو شوێنەی كوشتووە.