سەردێر

پەروەردەی عیراق بڕیاری دەرچوونی سەرجەم خوێندكارانی دەركرد

خەڵك-
وەزارەتی پەروەردەی عیراق بڕیاریدا بە دەرچوونی گشتی سەرجەم خوێندكارانی خوێندنی ئێواران بۆ ساڵی خوێندنی ڕابردوو.

بەپێی نووسراوێكی وەزارەتی پەروەردەی عیراق، كە ئاڕاستەی ئەنجوومەنی وەزیران كراوە، بڕیاردراوە سەرجەم خوێندكارانی خوێندنی ئێواران بۆ ساڵی خوێندنی 2019- 2020 بە نەكەوتوو هەژمار بكرێن.

وەك لە نووسراوەكەدا هاتووە، “ڕەزامەندن بە دەرچوونی خوێندكارانی خوێندنی ئێواران هاوشێوەی خوێندكارانی خوێندنی بەیانیان بەهۆی ئەو دۆخە ناهەموارەی وڵاتی گرتۆتەوە لە ئەنجامی بڵاوبوونەوەی ڤایرۆسی كۆرۆناوە”.

بۆ بەدواداچوونی ئەو پرسە، كە ئاخۆ بڕیارێكی هاوشێوە لە هەرێم بۆ خوێندكاران دەردەكرێت؟ (خەڵك) چەند جارێك پەیوەندی كرد بە ئالان حەمەسەعيد، وەزیری پەروەردەی حكومەتی هەرێم، بەڵام وەڵامی پەیوەندییەكەی نەدایەوە.