سەردێر

دەربارەی دۆخی كەركوك و ماددەی 140 چەند بڕیارێك دەركرا

خەڵك-
لیژنەی پەڕلەمانی عیراق بۆ بەدواداچوونی كێشەی زەوی و زاری كشتوكاڵی ناوچەكانی سنووری ماددەی ١٤٠ چەند بڕیارێك دەربارەی دۆخی كەركوك و ناوچە كێشەلەسەرەكان دەركات و فەرماندەیی ئۆپەراسیۆنە ھاوبەشەكان ڕاسپێردرا بۆ ڕاگرتنی ئەو پێشێلكارییانەی ئەنجام دەدرێن.

ڕێبوار تەها، ئەندامی پەڕلەمانی عیراق لە پشكی كەركوك و ئەندامی لیژنە پەڕلەمانیەكە ڕایگەیاند، لە دوا كۆبوونەوەی لیژنەكەمان (لیژنەی پەرلەمانی بۆ بەدواداچوونی كێشەی زەوی و زاری كشتوكاڵی ناوچەكانی سنووری ماددەی ١٤٠) توانیمان چەند بڕیارێكی گرنگ بدەین لە نێویشیاندا ئاڕاستەكردنی فەرماندەی ئۆپەراسیۆنە ھاوبەشەكان بۆ ڕاگرتنی ھەموو جۆرە ڕێكارێك لەسەر ئەو زەوییە كشتوكاڵییانەی دەكەونە سنووری فەرمانگەی كشتوكاڵی كەركوكەوە.

ئەو زەوییە كشتوكاڵیانە دەكەونە سنووری (قەزای داقوق ، ناحیەی لەیلان، ناحیەی سەرگەڕان و گوندەكانی دەوروبەری، ناحیەی تازە، گوندی بەشیر) و بەپێی بڕیارەكانی لیژنەكە، “تاوەكو تا یەكلایی كردنەوەی كاری لیژنەكە ھەموو جۆرە ڕێكارێك لەسەر ئەو زەوییە كشتوكاڵییانە ڕادەگیرێن”.

ئەندامانی لیژنە پەڕلەمانییەكە پێكهاتوون لە (ھەرێم كەمال ئاغا، ڕێبوار تەھا، د.ناصر ھەركی، جەمال شكور، ریحان حنا و محمد امین فارس).

بەپێی بڕیاری لیژنەكە، كە دەست (خەڵك) كەوتووە و خۆی لە 10 خاڵدا دەبینێتەوە، “ئەو ناوچە و گوندانە تووشی چەندین لێكدابڕان و دووبارە پێكەوەبەستنەوە بوون لەگەڵ قەزا و پارێزگاكان و ئەوەش كێشەی ئیداری دروست كردووە و پێویستی بە بەدواداچوونی وردی ئەمنی هەیە”.

بۆ وەرگرتنی زانیاری زیاتر (خەڵك) پەیوەندی كرد بە ھەرێم كەمال ئاغا و ڕێبوار تەھا ئەندامانی لیژنە پەڕلەمانییەكە، بەڵام پەیوەندییەكانیان بەردەست نەبوو.

May be an image of text

May be an image of ‎text that says '‎تیییدات بالموضوع وتحتاج خطوا لها علاقة الدستور حالات أمني أقر مجلس الوزراء بخصوص اضي عانديتها وألغاء العمل شؤون الشمال السابقة أفرز اشکالات العائدية والتعويض متضررة يحتاج الضرر الناجم عن الخلافات توجيه قائد المقر الجهات بالتنسيق للعمليات نائب قائد العمليات حاليا دائر لحين القضايا الخلافية واکمال الامر اعمالها في المناطق داقوق) المقاطعات التي بضمنها ناحية لیلان ناحية- قصبة كركوك والسيد رنیس افیکم اللجنة استضاف وزارة ومدير لما ورد اعلاه فأن اللجنة خلاصة اعمالها تفصيلي لاحقاً ويتطلب ذلك وقتاً كافياً لأنجاز التقدير... رئيس لجنهالامن والدفاع مجلس النواب بالاطلاع وصب الصيد- الزراعة للحفظ Baghdad Conference E-mail:sdc@parliament.iq العراق بغداد- بناية قصر المؤتمرات الدفاع‎'‎