سەردێر

ڕەوتی حیكمە حزبەكەی كازمی تۆمەتبار دەكات

خەڵك-
ڕەوتی حیكمە ، حزبی مەرحەلە كە تیمەكەی مستەفا كازمی سەرۆك وەزیران دایمەزراندووە، تۆمەتبار دەكات بە دەستگرتن بەسەر دەوڵەت و بەكارهێنانی پۆستە حكومییەكان بۆ مەبەستی هەڵبژاردن، ئەم كارەش بە مایەی نیگەرانی لەقەڵەم دەدات.

بەلیغ ئەبو كەلەل، سەركردە لە ڕەوتی حیكمە لە لێدوانێكی ڕۆژنامەوانیدا ڕایگەیاند”ڕاوێژكارانی سەرۆك وەزیران، حزبی مەرحەلە (قۆناغ)یان دامەزراند، دوای ئەوەی پۆستی باڵایان لە دەوڵەتدا وەرگرت، ئەم پۆستانەش وایان لە تیمەكەی كازمی كرد، حزبێك بۆ بەشداریی لە هەڵبژاردندا پێكبهێنن”.

بە وتەی ئەبو كەلەل”تواكان ئێستا ڕەخساون بۆ تیمەكەی كازمی لەبارەی پێكهێنانی هەر حزبێك، بە تایبەت كە پۆستەكانی دەوڵەت هێندەی تر هەژموون و توانای پێبەخشیون”.

هەر لەو بارەیەوە فادی شەممەری، سەركردە لە ڕەوتی حیكمە ڕایگەیاند”بەكارهێنانی پۆستە حكومییەكان بۆ مەبەستی هەڵبژاردن، مایەی نیگەرانییە، كازمی بەوپێیەی سەربەخۆیە گەیشتە كورسی حوكم، نەك حزبی هەبێت”.

بە وتەی شەممەری”ڕەوتی حیكمە ڕێز لە كێبڕكێی هەڵبژاردن دەگرێت لەنێوان حزبەكاندا، بەڵام شیاو نییە پۆستەكانی دەوڵەت بۆ مەبەستی هەڵبژاردن بەكاربهێنرێن”.