سەردێر

پێكدادان لەنێوان حەشدی شەعبی و داعشدا ڕوویدا

خەڵك-
دەستی حەشدی شەعبی لە عیراق ڕایدەگەیەنێت، هێزەكانیان لەگەڵ چەكدارانی ڕێكخراوی داعش لە میانی ئۆپەراسیۆنێكی ئەمنی لە بیابانەكانی پارێزگەی ئەنباری خۆرئاوای وڵات، ڕووبەڕووی چەكدارانی ڕێكخراوی داعش بوونەتەوە.

قاسم موسڵیح، فەرماندەی ئۆپەراسیۆنەكانی ئەنباری حەشدی شەعبی بە میدكانی عیراقی ڕاگەیاندووە”لە میانی ئۆپەراسیۆنێكدا لە بیابانەكانی خۆرئاوای ئەنبار، شوڕوپێكدادان لەنێوان هێزەكانیان و گروپە تیرۆریستییەكانی داعشدا ڕویدا”.

بە وتەی ئەو فەرماندەیەی حەشدی شەعبی”هێزەكانیان چەند حەشارگەیەكی داعشییان دۆزیوەتەوە و شەڕوپێكدادان تائێستا (كاتی ئامادەكردنی ئەم هەواڵە) بەردەوامە بۆ لەناوبردنی ئەو چەكدانەی ناوچەكەیان كردبۆووە مۆڵگە و حەشارگە بۆ ئەنجامدانی كارە تیرۆریستییەكانیان”.

لەم ماوەیەی دواییدا، چالاكی و جموجۆڵەكانی داعش بەشێوەیەكی بەرچاو ڕوویان لە زیادبوون كرد و لە دوایین كاریی تیرۆریستی ڕێكخراوەكەش، تەقینە خۆكوژییەكەی گۆڕەپانی تەیەران بوو لە بەغدا كە زیاتر لە 30 كەسی تێدا كوژرا و دەیان كەسی تریش برینداربوون.