"340 تاوانبار لەسێدارە دەدرێن" - تۆڕی میدیایی خەڵک

سەردێر

خەڵك-تەنیا هەورامی لە نوێترین ڕاپرسی جیاوازدا ئیبراهیم ڕەئیسی كاندید بۆ پۆستی سەرۆك كۆماری ئێران براوەی هەڵبژاردنەكانی ئێران دەبێت. ناوەندی "ئیسپا"ی ئێرانی ئەنجامی نوێترین ڕاپرسی ناوەندەكەی سەبارەت بە دەنگدانی هاووڵاتیانی ئێرانی بە كاندیدەكانی سەرۆكایەتی كۆمار بڵاوكردەوە و پرسیاری ئەوەیان لەو كەسانەی كردووە كە ئەگەر ئێستا هەڵبژاردنەكان بەڕێوەبچێت دەنگ بە كێ دەدەیت؟ لەنێو ئەو كەسانەی لە ڕاپرسییەكەدا بەشداریان كردووە لە نوێترین راپرسیدا، ئیبراهیم ڕەئیسی 60.6% ی دەنگەكانی بەدەستهێناوە و هاوكات موحسین ڕەزایی 0.8% و سەعید جەلیلی 3.5% و عەبدوناسر هیمەتی 3.7% و ئەمیر حسێن قازی زادە 3.1% و عەلیرەزا زاكانی 3% و موحسین میهر عەلیزادە 0.7%ی دەنگەانیان بەدەستهێناوە. ئاشكراشیكرد، بەپێی ڕاپرسییەكە 17.4% بەشداربووان دەنگیان نەداوە. ئەمەش لەكاتێكدایە، لە دوو ڕاپرسی دیكەی ئەو ناوەندەدا، ئیبراهیم ڕەئیسی براوەی ڕەهای هەڵبژاردنەكان بووە و هاوكات ڕەئیسی لای عەلی خامەنەیی ڕێبەری باڵای شۆڕشی كۆماری ئیسلامی ئێرانیش پەسەندترینە. بڕیارە 18ی ئەم مانگە هەڵبژاردنەكانی سەرۆكایەتی كۆمار و شورای ئێران بەڕێوەبچێت، ئەمەش لەكاتێكدایە جگە لە حزبە كوردییەكان چەند حزبێكی فارسی ئۆپۆزسیۆنیش بایكۆتی هەلِبژاردنەكانیان كردووە.
خەڵك- بە گوێرەی دواین ئامار، تووشبووانی ڤایرۆسی كۆرۆنا لە جیهاندا گەیشتە 177 ملیۆن و 38 هەزار و 188 حاڵەت. بە گوێرەی ئامارە جیهانییەكان، تاكو كاتژمێر 11.30ی ئەمڕۆ سێ شەممە ژمارەی تووشبووانی كۆرۆنا لە جیهاندا گەیشتە 177 ملیۆن و 38 هەزار و 188 حاڵەت، لەو ژمارەیەش 3 ملیۆن و 827 هەزار و 901 حاڵەتی گیانلەدەستدانیش هەبووە. هەر بەپێی ئامارەكان تاكو ئێستا 161 ملیۆن و 236 هەزار و 448 تووشبووی ڤایرۆسی كۆرۆنا چاكبوونەتەوە. لەسەر ئاستی وڵاتانی جیهان، ئەمریكا زۆرترین ڕێژەی تووشبوون بە پەتاكەی تێدا تۆماركراوە و گەیشتووەتە 34 ملیۆن و 355 هەزار و 239 كەس و 615 هەزار و 232 كەسیش گیانیان لەدەستداوە. ڤایرۆسی كۆرۆنا نەخۆشییەكی كوشندەیە و مانگی 12ی ساڵی 2019 لەشاری وۆهانی وڵاتی چین سەریهەڵداو لەئێستاشدا لە زیاتر لە 210 وڵات و ناوچەی جیهان بڵاوبووەتەوە.
خەڵك لە گوندی قەیوان لە ناحیەی گاپیڵۆن دەستبەسەر 25 فەردە خەڵوزدا گیرا و كورەیەكی خەڵوزیش تێكدرا. بەڕێوەبەرایەتی پۆلیسی دارستان و ژینگەی سلێمانی لە ڕاگەیاندراوێكدا بڵاویكردەوە، ئەگەر چی چەندین جار گوندنشینە بەڕیزەكان ئاگادار كراونەتەوە لەوەی كاری خەڵوزكردن قەدەغەیە بەڵام زۆرێك لە گوندنشینان دور لە بەرپرسیاریەتی داری دارستانەكان دەبڕنەوە و كاری خەڵوزكردن ئەنجام دەدەن بۆ ئەو مەبەستە لەگوندێكی سنوری ناحیەی گاپیڵۆن دەست بەسەر (٢٥) فەردە خەڵوزدا گیرا. ئاماژە بەوەشكراوە، فەردە خەڵوزەكان لە گوندی قەیوان و بە مەبەستی ڕێگریكردن لە دیاردەی بڕینەوەی داری داستانەكان و كاری خوڵوزكردن دەستیبەسەردا گیراوە و كورەیەكی خەڵوزیش تێكدراوە.
خەڵك- بەڕێوەبەرایەتی گشتی كەشناسی و بومەلەرزەزانی هەرێمی كوردستان ڕایدەگەیەنێت، گۆڕانكاری لە پلەكانی گەرما لە ماوەی ئەم چەند ڕۆژەی داهاتوو ڕوودەدات. بەڕێوەبەرایەتی گشتی كەشناسی و بومەلەرزەزانی هەرێمی كوردستان لە ڕاگەیەنراوێكدا ئاماژە بۆ ئەوە دەكات، سبەی چوار شەممە پلەكانی گەرما بە نزیكەی 1 تا 3 پلە ڕوو لە نزمبوونەوە دەكات تا ڕۆژی هەینی بەرزترین پلەی گەرمای پێشبینیكراو لە سەنتەری پارێزگاكان بە گشتی لە ژێر 40 پلەی سیلیزی دەبێت جگە لە سەنتەری پارێزگای كەركووك . ئاشكراشیكرد، ڕۆژی هەینی بەرزترین پلەكانی گەرما دەست دەكات بە بەرزبوونەوە، ڕۆژی شەممەی سەرەتای هەفتەی داهاتوو بەرزبوونەوەی پلەكانی گەرما زیاتر دەبێت لە زۆربەی ناوچەكان دەگاتە سەرووی 40 پلەی سیلیزی. ڕوونیشیكردەوە، لە ئێستادا بەهۆی چالاكبوونی نزمە پاڵەپەستۆی وەرزی گەرمی ساڵانە لەگەڵ وەرگەڕانی هاوینە پێشبینی دەكەین لە سەرەتای هەفتەی داهاتوو بە گشتی بەرزترین پلەكانی گەرما بەردەوام لە سەرووی 40 پلەی سیلیزی بێت، لەو كاتانەی شەپۆلەكانی گەرما ڕوو لە ناوچەكەمان دەكەن بەرزترین پلەكانی گەرما تا سەرووی 45 پلەی سیلیزی بەرزدەبێتەوە سەبارەت بە سەنتەری پارێزگاكان و لە ناوچە شاخاوییەكانیش دەگاتە سەرووی 36 پلەی سیلیزی .
خەڵك لە ناحیەی بەرزنجە دوو هاووڵاتی دەستگیركران كە سەرقاڵی دروستكردنی خەڵوز بوون. بەڕێوەبەرایەتی پۆلیسی دارستان و ژینگەی پارێزگای سلێمانی لە ڕاگەیاندراوێكدا بڵاویكردەوە، مەفرەزەكانی بنكەی پۆلیسی دارستانو ژینگەی بەرزنجە دەرچوون بۆ گوندی قەویلەی سەر بە ناحیەی بەرزنجە و توانیان دوو هاووڵاتی دەستگیر بكەن بەهۆكاری خەڵوزكردن. ئاماژە بەوەشكراوە، توانرا دەست بگیرێت بەسەر ئۆتۆمبێلێك و ٢٣ فەردە خەڵوزدا . باس لەوەشكراوە، پەڕاوی لێكۆڵینەوە بۆ تۆمەتباران ڕێكخرا و ڕادەستی دادوەر كرا بۆ گرتنەبەری ڕێكاری یاسایی .
خەڵك - یەحیا حبیب زۆرجار زۆرینەمان سەرقاڵی گەڕان دەبین بۆ ئەوەی وێنەیەكی جوان داببەزێنینەسەر مۆبایل و ئایپاد و كۆمپیوتەرەكانمان بۆ بەكارهێنانی بۆ سەر شاشە، ئەمڕۆ بەرنامەیەكی جیاوازتان پێ دەناسێنین كەوا دەكات لە كاتی بەكارهێنانی مۆبایلەكەت كامێراكەی چی دەربخات لە پشتی بەرنامەكانتانەوە دەردەكەوێت واتا (شفاف) دەبێت. سەرتا لە ڕێگەی ئەم لینكەوە لە گۆگڵ پلەی بەرنامەكە دادەبەزێنن: https://play.google.com/store/apps/details?id=wallpaper.transparent دوای دابەزینی بەرنامەكە بۆ سەر مۆبایل یان ئایپادەكانتان كلیكی لەسەر دەكەن و دەیكەنەوە و كلیك لەسەر وشەی (شفاف) دەكەین. دواتر كلیك لەسەر (تعیین خلفیە) دەكەین، ئەگەر بمانەوێت تەنها شاشەی سەركیمان (شفاف) بێت ئەوا كلیك لەسەر (الشاشە الرئیسیە) وە ئەگەر بمانەوێت هەردوو شاشەی سەرەكی دەركەوێت ئەوا كلیل دەكرێت لەسەر (شاشتا القفل و الرئیسیە) دەكرێت ئەمەش كۆتا هەنگاوە ئەنجامی بدەیت.
خەڵك- بەڕێوەبەرایەتی گشتی كەشناسی و بومەلەرزەزانی هەرێمی كوردستان كەشوهەوای ئەمڕۆ و سبەینێی شارەكانی هەرێمی بڵاوكردەوە. بەپێی پێشبینییەكانی كەشناسی، ئەمڕۆ سێ شەممە ئاسمان ساماڵ دەبێت. هەر بەپێی پێشبینییەكان، سبەینێ چوار شەممە ئاسمان ساماڵ دەبێت و پلەكانی گەرماش دادەبەزن.
خەڵك- بەڕێوەبەرایەتی هاتووچۆی پارێزگای سلێمانی ڕایدەگەیەنێت، پێویستە خاوەن ئۆتۆمبێلە بێ سەرەتاكان پشكنین بۆ ئۆتۆمبێلەكانیان بكەن. بەڕێوەبەرایەتی هاتووچۆی پارێزگای سلێمانی لە ڕاگەیەنراوێكدا خاوەنی ئۆتۆمبێلە ژمارە كاتییەكان ئاگادار دەكاتەوە، كە پێشتر لە پشكنینی بەڕێوەبەرایەتی هاتووچۆی سلێمانیدا دەرنەچوون، دەتوانن ڕۆژی دوو شەممەی داهاتوو كە دەكاتە بەرواری (21.6.2021) كاتژمێر (8:30) هەشت‌ و سی خولەكی بەیانی سەردانی بەڕێوەبەرایەتی گومرگی سلێمانی بكەن. ئاشكراشیكرد، مەبەست لە سەردانەكە بە مەبەستی ئەنجامدانی پشكنینە بۆ ئۆتۆمبێلەكانیان.
خەڵك وەزارەتی بازرگانی و پیشەسازی ئەو ئاردەی تاقی كردەوە كەبەسەر هاووڵاتیاندا دابەشدەكرێت و دەڵێت "پەسەندە". وەزارەتی بازرگانی و پیشەسازی بڵاویكردەوە،" دوای دەنگۆیەكی زۆری ھاولاتیان سەبارەت بەخراپی ئەو ئاردەی دابەش دەكرێت ، ئەمڕۆ سێ شەممە ١٥-٦-٢٠٢١ بەرێوبەرایەتی گشتی بازرگانی سەر بەوەزارەتی بازرگانی و پیشەسازی ئەو گەنمەیان تاقی كردەوە كە گەنمی سایلۆی ھەولێرە و لەلایەن وەزارەتی بازرگانیەوە دابەش دەكرێت بەمەبەستی بەرچاو روونی بۆ ئەو دەنگۆیانەی لەسەر ئاردی خواردن دەكرێت". ئاماژە بەوەش كراوە، "دوای تاقی كردنەوەكەش لەلایەن لیژنەی چاودێریەوە ئاردەكە بەپەسند راگەیەندرا ".
خەڵك- نرخی دۆلار لە بازاڕەكانی هەرێمی كوردستان بەراورد بە ڕۆژانی ڕابردوو جێگیرە. یادگار حەسەن لە كۆمپانیای سەعید بە (خەڵك)ی ڕاگەیاند، نرخی دۆلار بۆ ئەمڕۆ سێ شەممە 15-6-2021، بەپێی بازاڕی گۆڕینەوەی دراوی بیانی لە شاری سلێمانی 100 دۆلاری ئەمریكایی بە 149 هەزار 750 دینار مامەڵەی پێوە كراوە. ئاشكراشیكرد، پێشبینی دەكرێت نرخی دۆلار زیاتر دابەزێت، ئەویش بەهۆی زۆری دراوەكە لە بازاڕیەكانی هەرێم و بەغدا. وتیشی"نرخی 100 دۆلاری ئەمریكی بە 2 ملیۆن و 353 هەزار تمەنی ئێرانی مامەڵەی پێوە كراوە".

“340 تاوانبار لەسێدارە دەدرێن”

هەواڵ بڵاوکراوەتەوە: 24/01/2021

سەرۆكایەتی كۆماری عێراق واژۆیكرد لەسەر یاداشتی لەسێدارەدانی زیاتر لە 340 سزادراو لە دادگاكانی عێراق لە دۆسێی تیرۆر و تاوان بەپێی دەستوور و یاسا.

سەرچاوەیەك بۆ سۆمەریەنیوز رونیكردەوە پەسەندكردنی یاداشتی لەسێدارەدانی ئەو كەسانە لە دوای وردبینی لایەنەكانی بڕیارەكە بووە لەلایەنی دەستووری و یاساییەوە.

راشیگەیاند سەرۆكایەتی كۆمار بەردەوامە لەسەر پەسەندكردنی ئەو یاداشتی سزایانەی بۆی رەوانە دەكرێت بە پێی دەستوور و یاسا.

وتیشی: زۆر بە وردی و هۆشیارییەوە مامەڵە لەگەڵ ئەم دۆسێیەدا دەكرێت دوور لە هیچ رەهەندێكی دیكە.

خەڵك- بەشی هەواڵ