سەردێر

داعش هێرشی كرد

شەوی رابردوو چەكدارەكانی داعش هێرشیانكردە سەر خۆرهەڵاتی پارێزگای سەڵاحەدین لە باكوری عێراق.

ئاژانسی فرانس پرێس بڵاویكردەوە لە ئەنجامی هێرشی چەكدارانی داعش شەڕ و پێكدادانی توند لەنێوان داعش و چەكدارەكانی حەشدی شەعبیدا سەریهەڵداوە لە ناوچەی عیس لە خۆرهەڵاتی پارێزگای سەڵاحەدین لە باكوری عێراق.

بەپێی زانیارییەكان 11 چەكداری حەشدی شەعبی لە شەڕەكەدا كوژراون كە یەكێكیان فەرماندەیە و ژمارەیەكی زۆرتریش بریندار بوون.

ئەم هێرشەی داعش لە كاتێكدایە لە رۆژی پێنج شەممەی رابردوو داعش دوو هێرشی خۆكوژی لەنێوەڕاستی بەغدای پایتەخت ئەنجامدا بەهۆیەوە زیاتر لە 30 كەس كوژران و زیاتر لە 100 كەسی دیكەش بریندار بوون.

لەلایەكی دیكەوە چەكدارەكانی داعش لە پارێزگای ئەنبار هێرشیان كردە سەر كاروانێكی سوپای عێراق.

خەڵك- بەشی هەواڵ