سەردێر

كۆتا ئاماری قوربانیانی تەقینەوەكەی بەغدا ڕاگەیەندرا

خەڵك- بەشی هەواڵ
کۆتا ئاماری تەقینەوە خۆكوژییەكەی ئەمڕۆی بەغدای پایتەخت ڕادەگەیەنرێت.

وەزارەتی تەندروستی و ژینگەی عیراق ڕایگەیاند:”لە ئەنجامی تەقینەوەكانی ئەمڕۆی ناوچەكانی تەیران و بابولشەرقی بەغدای پایتەخت، 32 كەس كوژران و 110 كەسی تر برینداربوون”.

ئەمڕۆ دوو تەقینەوە خۆكوژییە ناوچەكانی تەیران و بابولشەرقی ڕوویاندا و ژمارەیەكی زۆر لە هاووڵاتیانی بێتاوان بوونە قوربانی.

وەزارەتی ناوخۆی عیراق لە بەیاننامەیەكیدا لەو بارەیەوە، ڕەتیكردەوە ڕێكخراوی داعش بتوانێت ئەو جۆرە هێرشانە دووبارە بكاتەوە، ڕووداوەكەشی بە هێرشی تاكەكەسی لەقەڵەمدا.

دوابەدوای تەقینەوەكان كە جارێكی تر سیناریۆكانی ساڵانی ڕابردوویان هێنایەوە یادی عيراقییەكان، مستەفا كازمی سەرۆك وەزیران لە بارەگای ئۆپەراسیۆنەكانی بەغدا، لەگەڵ فەرماندە باڵا ئەمنییەكاندا كۆبووەوە و داوای لێكردن بۆ بەرگرتن لە دووبارەبوونەوەی ڕووداوە تیرۆریستییەكەی ئەمڕۆ، هەوڵە هەواڵگرییەكانیان چڕبكەنەوە.