سەردێر

نرخی نەوت دابەزی

خەڵك-
ئەمڕۆ نرخی نەوت دابەزی و هەر بەرمیلێك بە 96 دۆلار و 25 سەنت مامەڵەی پێوەكرا.

ئەمڕۆ چوارشەممە، 10-8-2022، هەر بەرمیلێك نەوتی برێنتی دەریای باكوور شەش سەنت دابەزی و بە 96 دۆلار و 25 سەنت مامەڵەی پێوەكرا.

هەروەها هەر بەرمیلێك نەوتی سووكی تێكساسی ئەمریكاش 16 سەنت دابەزی و بە 90 دۆلار و 34 سەنت مامەڵەی پێوەكرا.

داتا فەرمییەكانی پەیوەست بە قەبارەی نەوتی كۆگاكراوە لە ئەمریكا كاژێر 05:30 خولەكی ئێوارەی ئەمڕۆ چوارشەممە لەلایەن كارگێڕیی زانیاریی وزەی ئەمریكا بڵاودەبێتەوە و بازرگانان چاویان لە راپۆرتی ئەو دامەزراوەیەیە.