سەردێر

شایستەی دارایی بەشێك لە مامۆستایانی وانەبێژ دابەشدەكرێت

خەڵك-
بڕیارە سبەینێ‌ شایستەی دارایی مامۆستایانی وانەبێژ بۆ مانگی چوار، لە سنووری هەڵەبجەی شەهید دابەشبكرێت.

بەڕێوەبەرایەتی گشتی پەروەردەی هەڵەبجە لە ڕاگەیانراوێكدا بڵاویكردەوە، ئاگاداری مامۆستایانی وانەبێژی سنوری بەڕێوەبەرایەتی گشتی پەروەردەی هەڵەبجەی شەهید دەكەین كە سبەی ڕۆژی یەك شەممە 26/6/2022، سەردانی بەڕێوەبەرایەتی گشتی پەروەردەی هەڵەبجەی شەهید بكەن، بەمەبەستی وەرگرتنی شایستە داراییەكانیان.

لە ڕاگەیانراوەكەدا ئەوەش هاتووە، ئەو شایستە داراییەی وانەبێژان وەریدەگرن بۆ مانگی چوارە و لە كاتژمێر 9:30 خولەكی بەیانی دەست بە دابەشكردنی دەكرێت.