سەردێر

قەرزە 150 ملیۆن دینارەكەی بانكی ناوەندی هێزێكی چەكدار دەگرێتەوە

خەڵك-
فالح خەزعەلی، ئەندامی پەرلەمانی عیراق ڕایدەگەیەنێت، ڕەزامەندی وەرگیراوە، تا دەستپێشخەرییەكەی بانكی ناوەندی بۆ پێدانی قەرزی 150 ملیۆن دینار، حەشدی شەعبیش بگرێتەوە.

بەپێی نوسراوێك كە ئەمڕۆ پێنج شەممە لەلایەن ڕاگەیاندنی خەزعەلییەوە بڵاوكرایەوە”فالح خەزعەلی پەرلەمانتار، ڕەزامەندی بەڕێز پارێزگاری وەرگرت، تا لەڕێی بانكە حكومییەكانەوە، سلفە بدرێتە ئەوانەی لە ڕیزەكانی حەشدی شەعبین، سلفەكەش لە 5 ملیۆن دینارەوە بۆ 25 ملیۆن دینارە، هاوشێوەی ئەوانەی لە ڕیزەكانی وەزارەتەكانی بەرگری و ناوخۆ و دەزگای دژە تیرۆرن”.

هەر لە نوسراوەكەدا هاتووە”بە هەمان شێوە ئەوانەی لە ڕیزەكانی حەشدی شەعبین، دەستپێشخەرییەكەی بانكی ناوەندی دەیانگرێتەوە بۆ وەرگرتنی قەرزی (150) ملیۆن دینار، بۆ مەبەستی كڕینی خانووی نیشتەجێبوون، لەپێناو فەراهەمكردنی ژیانێكی شكۆمەندانە، وەك ڕێزێك بۆ قوربانیدانیان”.