سەردێر

یەكەم بۆردومانی ئۆكرانیا ئاگری لە نرخی ئاڵتون بەردا

خەڵك-
بەهۆی دەركەوتنی سەرەتاكانی شەڕی نێوان ڕوسیا و ئۆكرانیا، كە مەترسی هەڵگیرسانی جەنگی جیهانی لێدەكرێت نرخی ئاڵتون بەشێوەیەكی بەرچاو بەرزبووەوە.


نیوەڕۆی ئەمڕۆ پێنج شەممە، لەلایەن ڕوسیاوە ناوچەكانی لوهانسك، سانتیكا و نوڤۆزڤانیڤكای ئۆكرانیا بە هاوەنی عیار 82 ملم بۆردومان كران.
داناوەرتی، خاوەنی زێڕنگەری ئازوورا لە هەولێر بۆ (خەڵك) ڕایگەیاند، بەهۆی دەستپێكردنی جەنگی ئۆكرانیا نرخی ئاڵتون بەرزبۆتەوە و لە نرخی یەك ئۆنسە نزیكەی 35 دۆلاری چۆتەسەر.
ڕاشیگەیاند، ئێستا ئۆنسەی زێڕ بە 1893 دۆلارە و نرخی یەك مسقاڵی عەیار 21 بە 396 هەزار و عەیار 18 بە 340 هەزار دینارە.