سەردێر

بڕێك پارە بۆ پەرپێدانی چەند پڕۆژەیەكی ئاو لە هەولێر خەرجكرا

زیاتر لە 65 ملیۆن دینارە

خەڵك
وەزارەتی شارەوانی و گەشتوگوزار بڕیاری دا لەسەر خەرجكردنی زیاتر لە 65 ملیۆن دینار بۆ پەرەپێدانی پێنج پڕۆژەی تۆڕی ئاو لە سنووری پارێزگای هەولێر.

ئەمڕۆ یەكشەممە 23/1/2022، وەزارەتی شارەوانی و گەشتوگوزار لە فەرمانێكی وەزاریی خۆیدا، بڕیاری دا لەسەر خەرجكردنی گوژمەیەك بۆ پەرەپێدانی پڕۆژەكانی تۆڕی ئاو و سێكتەری ئاو لە سنووری پارێزگای هەولێر، كە گوژمەكە زیاتر لە 65 ملیۆن دینارە و لەسەر ڕێژەی 17%ی داهاتی بەڕێوەبەرایەتیی ئاوی دەوروبەری هەولێر خەرج كراوە.

پرۆژەكانیش بریتین لە:

– پڕۆژەی تۆڕی ئاوی گەڕەكی گرتن روست لە قوشتەپە.

– كڕینی ئامێری ئۆتۆككلەیف بۆ تاقیگەی كۆنتڕۆڵی جۆری.

– تۆڕی ئاوی گەوڕەكی ڕزگاری لە باسرمە.

– دیزایینكردنی تاخم غەتاس و ڕاكێشانی كارەبای سەرەكی بۆ بیری ئاو لە گوندی شێوەدەر/دارەشەكران.

– پڕۆژەی تۆڕی ئاوی گەڕەكی پیرداود لە شەمامك.