سەردێر

هەولێر.. زیانلێكەوتوانی پڕۆژەیەك گردبوونەوە

خەڵك
پڕۆژەی وەرین سیتی، لە هەولێر  12 ساڵە تەواو نەكراوە و كڕیارانی یەكەكانی ئەو پڕۆژەیە گردبوونەوە و داوا دەكەن یەكەكانیان بۆ تەواو بكرێت.

كڕیارانی یەكەكانی وەرین سیتی لە پارێزگای هەولێر گردبوونەوە و دەڵێن، 12 ساڵە چاوەڕوانی ئەو یەكانە دەكەین كە كڕیومانن.

ئاماژە بە ئەوەش دەكەن، بەنوسراوی ژمارە 506 لە ڕێكەوتی 25\2\2020 بە واژۆی مەسرور بارزانی سەرۆكی حكومەتی هەرێمی كوردستان فەرمانی چارەسەركردنی كێشەكە كراوە، بەڵام تاكو ئێستا چارەسەر نەكراوە.

دەشڵێن، كڕیار هەیە گیانی لەدەستداوە و نەگەیشتووە بە مافی خۆی، ئێمەش نازانین دەگەین بە مافی خۆمان یان دەمرین، چەندین گردبوونەوەمان ئەنجامدراوە، بەڵام هەتا ئێستا وەڵام نەدراوینەتەوە كە تەنها یەك واژۆی پێویستە.

No description available.

كڕیارانی یەكەی نیشتەجێبوونی وەرین سیتی كە نزیكەی هەزار و 500 خێزانن واتە نزیكەی 4 هەزار كەسن.

No description available.

پڕۆژەی وەرین سیتی، لەساڵی 2010 مۆڵەتی كاركردنی پێدراوە و هێشتا تەواو نەبووە، نرخی یەكەكانیش لە 7 هەزار دۆلار دەستپێدەكات هەتا 40 هەزار دۆلار.

No description available.