سەردێر

زیانەكانی لافاوەكەی هەولێر ئاشكرا كران

بڕێك پارە تەرخانكراوە بۆ قەرەبووكردنەوەی زیانەكان

 

خەڵك
زیانەكانی لافاوەكەی هەولێر ڕاگەیەنراو 21 ملیار دیناریش بۆ قەرەبووكردنەوەی زیانەكان تەرخانكراوە.

ئومێد خۆشناو، پارێزگاری هەولێر، لە كۆنگرەیەكی ڕۆژنامەوانیدا ڕایگەیاند، 2 هەزار و ٥٠٩ ماڵ ئاوی تێچوە و كەلوپەلەكانیان زیانیان پێگەیشتوە،٤٠٢ خانووش زیانیان پێگەیشتووە .

 

ئاماژەی بە ئەوەشكرد،٨٦٧ ئۆتۆمبێل زیانیان پێگەیشتووە، ئۆتۆمبێلی حكومیشی تێدایە،١٥٣ دوكان و ماركێت و پێشانگا و گەراج زیانیان پێگەیشتووە. زیانێكی زۆریش بەر زەویی كشتوكاڵی و ئاژەڵی هاووڵاتییان كەوتووە.

 

پارێزگاری هەولێر دەشڵێت، ئەو زیانانەی بە حكومەت گەیشتووە بریتین لە پرد و قوتابخانە و وێستگەی كارەبا و بینای حكومی ، هەردوو بەنداوی بچوكی بێستانەو كەردز كە بەپۆند ناسراوە زیانیان پێگەیشووە و مەترسیان لەسەرە و تیمەكان سەرقاڵی چاككردنیانن.

 

ئاماژەی بە ئەوەشكرد، ئەو پارەیەی كە خەمڵێنراوە بۆ قەرەبووكردنەوەی زیانەكان، نزیكەی ٢١ ملیار دینار دەبێت.