سەردێر

پارە بۆ دابەشكردنی مووچە لە بانكەكاندا نەما

خەڵك
بڕیاربوو ئەمڕۆ مووچەی وەزارەتی كشتوكاڵ و سەرچاوەكانی ئاو دابەشبكرێت، بەڵام تا ئێستا دابەشنەكراوە.

بەپێی زانیارییەكان ئەمڕۆ لە بانكەكانەوە پارە نەدراوە بە لیژنەكانی وەزارەتی كشتوكاڵ كە بۆ مووچە رۆشتوون، پێیان وتراوە كە بانك پارەی تێدا نەماوە.

بەپێی هەندێك زانیاری دیكە لە لایەن وەزارەتی داراییەوە هەوڵدراوە بەڕێگایەكی تایبەت لەلایەن ئەنجومەنی وەزیرانەوە پارە بۆ وەزارەتی كشتوكاڵ و سەرچاوەكانی ئاو دابین بكرێت.

ماوەی بیست ڕۆژە دابەشكردنی مووچەی مانگی 11 دەستیپێكردووە، بەڵام پێشتا بەشێك لە وەزارەتەكان مووچەیان وەرنەگرتووە.

تا ئێستا چارەنوسی 200 ملیار دینارەكەی بەغدا بە نادیاری ماوەتەوە و لەسەر داهاتی نەوت و ناوخۆش حزبەكان یەكدی تۆمەتبار دەكەن.