سەردێر

د. سەباح هەورامی: كەمی دەرمان پەیوەندی بە بڕیارێكی وەزارەتی داراییەوە هەیە

خەڵك

بەڕێوەبەری گشتی تەندروستی سلێمانی ڕایدەگەیەنێت: كێشەی كەمی دەرمان لەنەخۆشخانەكانی سلێمانی، پەیوەندی بەبڕیاری بەڕێوەبەرێكی وەزارەتی داراییەوە هەیە.
د.سەباح هەورامی بەڕێوەبەری گشتی تەندروستی سلێمانی لەبارەی گرفتی كەمی دەرمان لەنەخۆشخانەكانی شاری سلێمانی ڕایگەیاند: لەسەرەتای ئەمساڵدا بڕیارێك لەلایەن بەڕێوەبەرێكی وەزارەتی داراییەوە دەرچووە كە كۆمپانیاكانی بواری دابینكردنی دەرمان مانگانە تەنها 5% شایستە داراییەكانیان بۆ خەرجبكرێت، واتە ئەگەر كۆمپانیایەك لەمانگێكدا بەبڕی 100 ملیۆن دینار دەرمانی بۆ دابینكردبین، ئەوا بە 20 مانگ دەتوانرێت پارەكە وەربگرێتەوە.

بەڕێوەبەری تەندروستی سلێمانی وتیشی ئەو بڕیارە وایكردووە كامۆپانیاكانی دابینكردنی دەرمان ئامادەنەبن دەرمان بۆ تەندروستی سلێمانی دابین بكەن.

د.سەباح هەورامی هۆشداریدا ئەگەر كێشەكە چارەسەر نەكرێت ئەوا لە هەفتەكانی داهاتوودا ئاستی پێشكەشكردنی خزمەتگوزارییە تەندروستییەكان لەشاری سلێمانی دادەبەزێت.